Dupu atacurli unu dupu alantu ali ali Rusiei TU ucrainene di la Dunăre, armasaturi ditu ună dronă rusească zădzură dzălili di ma ninti și tru România, tru ună localitate ditu judițul Tulcea, aproapea di sinurlu cu Ucraina.
Asi, reprezentanți a Ministerului ucrainean di Externe dimăndară proţlli ti aestu incidentu, ama inițial Ministerul Apărării di la București negă informația. S’turna deapoa ti subiectului, menționânda că “ditu informaţiile obţănute pritu sistemele electronice di supravegheare şi pritu alanti halaţ di monitorizare, nu rezultară fuvirseri militare directe la adresa teritoriului nostru naţional ică a apilor teritoriali ali României”. Fură tutunăoară disemnate, nica spuni MApN, echipi di cercetare tru teren, inclusiv pi Dunăre, tră verificări suplimentare.
Statul român fu tru legătură pirmanentă cu NATO – da asigurări ministerul di la București. Asi, Alianța, pritu boaţea-a secretarului genearal Jens Stoltenberg, spuni că autorităţile române hăbărăsiră aliaţllii ti armăsăturli di dronă aflati pi teritoriul a văsiliillei şi că s’dizvărteasti ună investigaţie, ama nu ari niţi nă dovadă că vahi fu ună manevră intenţionată ali Rusie, că maş un accident. Stoltenberg adusi aminti, ñiercuri, tru arada a unei discuţii cu comisiile di afaceri externe şi di apărare ditu Parlamentul European, că NATO ş-anvartusi ma multu ca varnaoara prezenţa pi Flancul Estic şi că tute statele membre suntu apărate pritu năile planuri militare.
Asi, tru contextul situației di la sinurlu ali României cu Ucraina, ministrul Apărării, Angel Tîlvăr, cari avu muabeti, la București, cu ambasadoarea SUA tru România, ES Kathleen Kavalic, alavda vartoasa solidaritate exprimată di aliaţ. Aţelli doi oficiali zburara ti situaţia generată dupu aţeali ditu soni atacuri ali Federaţie Ruse tu porturli fluviali ucrainene, tru proximitatea a sinurloru ali Românie.
Incidintul cu armasaturli di dronă aflati tru România fu zburatu şi tru cadrul unei convorbiri telefonice ditu ministrul di externe, Luminiţa Odobescu, şi secretarul di stat american, Antony Blinken. Aţelli doi zburără şi di consolidarea cooperarillei bilatearală tră s’veaglle securitatea spaţiului aerian şi, tru context, fu menţionată dislocarea a niscantoru avioane di alumtă F-16 ali Forţelor Aeriene americane pi teritoriul României. Uidisitu cu un comunicat al MAE, şefa diplomaţiei române saluta agoiutorlu si solidaritatea SUA şi a Aliaţilor cu România şi cundille importanţa menţăneari tru atenţia NATO a evoluţiilor ditu Amarea Lae şi regiune.
Tu arada-a lui, secretarul di stat al SUA cundille solidaritatea cu România şi haristusi ti andrupamintulu pi cari aesta îlu da ali Ucraina, cum şi tră meatrili suplimentare loati tră facilitarea tranzitului birikeatea ucrainene pi teritoriul a statului român. Oficialu american spusi, nica cundilleadza MAE, interesul şi implicarea ali Românie tră idintificarea a niscăntoru cearei hăirlătiţi tru aestu context, deadunu cu SUA, Comisia Europeană şi Ucraina.
Autoru: Daniela Budu
Armânipsearea: Taşcu Lala