Radio România Internațional

Tag: Omlu a anlui

  • Omlu a Anlui 2024 la Radio România Internaţional

    Omlu a Anlui 2024 la Radio România Internaţional

    Duruț soț, Radio România Internaţional duți ma largu cânâscuta anchetâ ti ți minduescu ascultâtorilli şi ațelli ți filisescu Internetlu şi singirili suțiali ş-vă greaști la un nău exerciţiu, ş-estanu, 2024, unu greu, cu stinuhurii ti noi tuţ.

    Fu unu anu cu zori di itia a duțearillei ma largu a polimlui anchisitu di Arusia contra ali Ucrainâ, a ceamaunâllei ditu Orientul di Mesi, ama ș-di sibepea a ângâldzarillei globalâ ți nâ adră s-trițemu nai ma câldâroslu anu ditu isturie.

    Vâ plâcârsimu s-apufisiț cari ditu personalităţli di tora inși nai ma multu tu migdani, tu sensu pozitivu, ți adră unu lucru cari agiutâ lumea. Nâ ândridzemu s-alidzemu ahtari omu pi thimelliu a votlui a vostu anyrâpsitu pi “Omlu a Anlui 2024 la Radio România Internaţional”. Cari poati s-hibâ aetu i aesta ș-ma multu, câțe? Va s-hibâ unu om cu anami i vârâ nicânâscutu dipu, ama cu unu pormithu ți s-hibâ paradigmâ ș-ti alțâ? Ca di-arada, apandisea easti a voastâ!

    Aştiptămu pripunirli a voasti, cata cumu ș-furnia ti cari lu alidzeț omlu, câtu cama ayoñea, pritu e-mail la ro@rri.ro, pi profillu a nostu di Facebook tu unâ turlie di comentariu, ca unu comentariu pi Instagram ică pi WhatsApp, la 0040.744.312.650 (textu i audio).
    Va s-dăm hâbarea cari easti “Omlu a Anlui 2024 la Radio România InternaţionaI” tu emisiunili a noasti, cata cumu ş-tu mediul online, ñiercuri, 1 di yinaru 2025.

    Autor: Eugen Cojocariu
    Apriduțearea: Mirela Biolan

  • Omlu a Anlui 2015 la RRI

    Omlu a Anlui 2015 la RRI

    Vă plăcărsim s-apufusiţ cari di personalităţli a prezentului alăsară tor nai cama multu, tru noima pozitivă, ti atea ti s-feati tru lumi tru anlu 2015. Nă ndridzem sã-lu alidzem, pi thimel’ilu a opţiun’ilor a voastri. angrăpsiti, pi “Omlu a anlui 2015 la RRI”. Cari poati s-hibă aestu/ aestă şi, maxus, că te ? Va s-hibă un om politic, un lider di opinie, un om di emburlăchi, un sportiv, un artistu, un om di ştiinţă i vărnu nicănăscut ti marli public, ama cu una pirmituseari exemplară? Apandisea easti a voastră, cum easti arada !



    Aştiptãm pripunirli a voastri, cata cum şi motivarea a lor, cât cama ayon’a, ndreptu pi site, la www.rri.ro, ama s-cu pitritearea a unlui comentariu la articol, prit e-mail la arom@rri.ro, ndreptu pi profilurli a noastri de Facebook, Google+, Twitter şi LinkedIn sum turlie di comentariu, prit fax la 00.4021.319.05.62 ica prit poştă, la adresa Calea General Berthelot nr. 60-64, sectorlu 1, cod 010165 (PO Box 111), Bucureşti, România.



    Adutem aminti că tu harea di “Omlu a Anlui 2014 la RRI” fu aleaptă tinira militantă pakistaneză tră ndrepturli a omlui Malala Yousafzai, colaureată Nobel tră Irine tru 2014.



    Va s-dimăndăm cari easti “Omlu a anlui 2015 la RRI” tru emisiunile di viniri, 1 di yinar 2016.