Tag: tiniri

Easti ună cadealihea provocari s-eşţă antreprenor tru România. Maxus pi ilikia di 20 an’i, cându lumea nu para ti acaţă tu isapi salami. Cându vrei s-adari ţiva, lipseaşti s-eşţă multu cu căftari, nai multili ori, cu oamin’l’i di la cari vrei s-l’iai ună urminiii. Ama gaeretea angreacă, ma s-vreai s-adrai ţiva ti dealihea, mindueaşti Rareş Manolache, thimil’iusitor şi prezidentu la TeenTank, un proiectu cari bagă tu practico ideili a tinirlor. Cum ahurhiră tuti? Tră mini, antreprenoriatlu ahurhi tru 2017, cându lu spuş dininti proiectul a meu di suflit tru ună competiţie ţi ari numa Social Impact Award. Di itia că earam alepţă şi că earamu anamisa di finalişti mi feaţi s-negu ma largu şi s-nveţu ţi easti cu antreprenoriatlu. Nica ş-mi ciudusi că amintaiu pi ilikia ţi u aveamu atumtea. Earam tru clasa a 11-a, a deapoa tu competiţie eara omin’i di 30-40 di ani, atea ti mi feaţi s-pistipsescu că antreprenoriatlu eara tră mini.”

Rareş Manolache exighiseaşti tutu conţeptul cari eara la thimel’ilu al TeenTank şi itia tră cari lugurseaşti că a bărnului a lui ăl’I si cadi s-hibă avdzătă boaţea. Ti easti păn tru soni, TeenTank? Ună comunitati di adolescenţă, di liceeni cari agiută companiile s-akicăsească diferenţili dit barnulu a noastru şi bărnurili a lor şi s-asiguripsească ună comunicari şi ună akicăseari cama licşoară anamisa di bărnuri. Practic, noi yinimu cu idei tră companii, cari să ajute soluţionarea nascantoru probleme cari ţintesc publiclu a nostru di tiniri dit barnulu Z”. Tru anlu tru cari himu şi tru barnulu a nostru, maca noi himu multu ligaţ cu Internetlu şi social media, companiili lipseaşti s-yină cu ţiva multu di multu mintimenu şi multu di multu cruitu aţea turlie câ noi s-acăţămu tru isapi proiectulu. Noi agiutăm companiile s-akicăsească cum s-aibă atea comunicari cu noi aţea turlie tra s-aibă ună hăiri ma mari ti noi.”

Lu ntribămu Rareş Manolache cum lucreadză cama di tamamu TeenTank şi ţi rol poati s-aibă ună ahtari platformă tru comunicarea interumană a bărnului di ază: Cadealihea că himu multu stresu ligaţ cu Internetlu. Nai cama multu comunicarea a noastră s-faţi pritu Internet. Cându yini zborlu di comunicari, lipseasti s-aibă ună comunicari multu şcurtă, rapidă. Noi ne-am mutat di pe Facebook spre Instagram, undi comunicăm mai mult tru story-uri şi tru mesaje scurte, trimitem tot felul di post-uri trutre noi. Nu mai easti o comunicari chiar atât di profundă, dit păcate. Tru TeenTank, minduim s-lă spunemu a tinirloru cum lipseaşti s-hibă adunaţ stogu, ocl’I ntrocl’i, cum lipseaşti s-lucreadză deadunu şi s-crească a lor hări/abilităţ di comunicari.”

Tră an’il’i ţi yinu, Rareş Manolache ş-pripusi s-ducă proiectul TeenTank cât cama largu şi să-l facă s-crească. Nyiseadză la ună comunitati internaţională a tinirlor cu idei proaspiti şi dinamiţi, cari să u alăxească acutotalui viziunea a marlor companii.

Rareş Manolache: Tu aestu kiro, lucrămu, cu ună agenţie mari di publiţitate di la noi, di Bucureşti, l’i-agiutămu s-yină cu idei trăâ ndauă brand-uri mari di pi păzarea dit România nica şi născănti internaţionale. Avem mirakea s-criştemu comunitatea şi s-mintim cât ma mulţă tiniri. Tu yinitu, vremu s-alăximu comunitatea a noastră locală tru ună naţională şi — căte nu ? — nica şi internaţională, cu agiutorlu a născăntoru comunităţ offline, aşi cum suntu aţeali di Bucureşti, ama s-adrămu şi ună platformă prit cari să-l’I ligămu tuţ tinirl’i dit punctilio yinitoari, aţea turlie că tut proţeslu aestu ti soluţionari problemili s-hibă şi digitalizat.”

Cama minuţişu ti lucuru a aţiloru di la TeenTank, ama şi ti programili ţi pareia di tiniri cu hăşti mari cumăndusită Rareş Manolache lă pripuni, s-mutrească frăndzăli di Facebook, respectiv di Instagram ndreapti tră TeenTank.

Autor: Monica Chiorpec

Armânipsearea: Taşcu Lala