Astâdz easti colinda
Stihuri: di Nicolae Suflaru
Astâdz easti colinda,
Sârbâtoari di daima.
Fciori dit tut laolu
Spun: S-amintă Hristolu!
Mâni, nidatâ hâryia,
Di unâ featâ Stâ-Mâria,
Di unâ featâ nimârtatâ,
Di Dumnidză aleaptâ,
S-aibâ un hil’iu hârios,
S-bagâ numa di Hristos.
Ș-că âl’i vrem mari tiñii
Cu a lui mari vluyie.
Că el vini aoa, tru lumi,
S-nâ l’iartâ ațeali nibuni.
Acl’imari
Versuri di Hristu Cândroveanu
Yiniţ voi, picurari, vâ acl’imăm – Bis
S-cântăm Hristolu, Bethlehem,
Cari dipună pri loc
Ântrupat di duh ş-di foc.
S-nâ duţem aclo ăn dzari
S-ţânem oili tu cutari, – Bis
Că aclo ş-fu amintat
Vleatlu cum nu ari alt.
El’i cînta ş-ma şuira ti amintarea a Hristolui.
Câsmetea a-ntreg laolui.
Yiniţ, voi, picurari, vă acl’imăm!
Yin sârbâtorli
Cându da neaua
S-acoapirâ torlu
Refren – Yin sârbâtorli
Yin sârbâtorli.
Ma ia vedzu steaua.
S-feați Hristolu.
Refren –
Ti tuț criștiñil’i
Simitea i-adratâ
Refren –
Sarayilia-i coaptâ,
Baclavalu – ñiari.
Refren –
Pitili cu moari.
Migitlu ascumtu.
Refren –
Ta s-lu aflu alungeari.
Yin sârbâtorli.
Lu alagâ anlu di lu adavgâ.
Yin sarbatorli
Cu altu ma nău, fâr’ di duh arău.
Pâtigiunea yini. Ia-lea și Ayiu-Yiañi
Banâ hârioasâ,
Anlu Nău în casâ,
Bunili s-aleagă
Aralili s-așteargâ!
Cu Hristolu şi cruţea
Stihuri: Toma Enache / muzica: Dumitru Bicu
Armâñi, alâxiţ-vâ că-i sârbâtoari
Cu Hristolu ş-cruţea.
Dişcl’ideţ inima mari
Cu Hristolu s-cruţea.
Ş-tu casa a voastâ armâneascâ,
Cu Hristolu ş-cruţea.
Prucuchia ş-vrearea s-creascâ,
Cu Hristolu ş-cruţea.
Taifa tutâ sâ s-hârseascâ
Cu Hristolu ş-cruţea.
Refren:
C-adzâ Hristolu-i amintat
Ş-di duñeauâ alâvdat
C-adzâ Hristolu-i anyiat
Ş-armânlu-i pâtidzat
Tu albi s-lu astiptaţ în casi
Cu Hristolu ş-cruţea.
Ş-cu cândilili apreasi
Cu Hristolu ş-cruţea.
Anviscut cu strañi nali
Cu Hristolu ş-cruţea.
Isus s-lu-aştiptăm în cali
Cu Hristolu ş-cruţea.
Has cupii di oi ş-di ñeali
Cu Hristolu ş-cruţea.
Albi lilici
Stihuri di Hristu Cândroveanu
Ia, sculaț, voi celniț mări,
Albi lilici di meri,
Sculaț voi, armâñi-oieri.
Albi lilici di meri,
Că yinu culindarlli-nyie.
Albi lilici di meri,
Noaptea ninga, tu hâryie.
Albi lilici di meri,
Ș-v-aduc unu Dumnidzău,
Albi lilici di meri,
Cari v-ascapâ di arău,
Albi lilici di meri.
Dumnidză nău amintatu,
Albi lilici di meri,
Mași tru spargani-nfâșatu,
Albi lilici di meri.
Dumnidzău nipsimâtosu,
Albi lilici di meri,
Ca un soari luñinosu,
Albi lilici di meri!