Urari ti Anlu Nău
di Toma Enache
Bre armâne, bre criștine,
Voi sâ-ț oru ti sânâtati,
Ti ghineațâ și ti ghini!
Voi sâ-ț oru pri limba a noastrâ,
Dumnidză s-nu nâ-agârșeascâ!
Și s-nâ da nâ minti bunâ,
S-nâ urămu tuț dipriunâ!
Armâneaști, ore frate,
S-ti agudeascâ tu hicati!
Știi, lai frate, câtu mi doari
Că ș-arâdu că nu-amu ti cari?
Și-ñi mi torn câtâ Hristolu
Și-l’i spunu că lu voi laolu.
Ș-Hristolu-ñi mi mutreaști
Ș-armâneaști apândâseaști:
– Nu ti aspari, nu-ai ti cari?
Ș-voi hiț oili a meali.
Ș-cara acaț apoi arada,
Oru ti limbâ și ti carti,
Ti steali, ti dadâ, ti pirmithi, ti vreari.
Ș-nu va-ñi hibâ greu s-țâ oru
Și ditu groapâ când va s-moru.
Puteț s-ascultaț aoa Urarea ti Anlu Nău adratâ di Toma Enache: