Schengen, ună nauă ratare
Vărnu şi ici ţiva nu căbdăsi Austria că România şi parteneara a llei de integrare europeană, Bulgaria, ahărdzescu s’facă parti ditu spaţiul Schengen de la 1 di yinaru anlu yinitoru. Cara, aoa şi 11 di ani, reformele inconsistente ditu justiţie şi corupţia eara, tru cazlu ali Românie, argumenti duri ti ma multi state europene tra s’voteadză contra ti aprukearea a llei tru spaţiul de liberă circulaţie, opoziţia di tora ali Vienă, singulară, easti nai ma pţănu ti ciudie. Ea yine după dauă misiuni dievaluare a experţilor, cari aprukeară că Bucureştiul tiñiseaşti condiţiile tehniţi ale aderari şi pe fondul a unui agiutoru fără echivoc exprimat di tuti alanti state ali Uniunii şi de instituţiile comunitare.
Nu easti un vot contra Româniillei, easti un vot contra Uniunillei Europene, tru ansamblul a llei, şi contra unitatillei a noastre, declară, nvirinatu, ministrul român de Interne, Lucian Bode.
Pritu aestă apofasi apofasi, Austria agiumsi s’hibă singulară şi autoizolată tru cadrul a Uniunillei Europene, reacţionă Ministerlu di Externe di Bucureşti, pi un ton ţi nu s’ari vidzută tru ligătură cu un altu stat membru ali Uniuni Europene. MAE lugurseaşti că aestu rezultat easti acutotalui injust şi lipsit di iţi motivare obiectivă, maxus tru condiţiile tru cari România cil4stăsi cu dişcllideari şi transparenţă tru relaţia cu tuţ partenerllii europeni, inclusiv Austria, iara gradul di pregătire a văsiliillei ti băgarea tru lucru a pruviderloru acquis-ului Schengen fu confirmat, tru repetate rânduri,ma multi ori arada, di experţălli ali UE şi a statilor membre.
Invocarea di cătră partea austriacă a problemăllei mutrinda cristearea a fluxului migraţionist, ca justificari a opoziţiillei andicra di aderarea ali Românie la Schengen, easti inacceptabilă, incorectă şi injustă, avânda tru videală că tuti datili pitricuti ufiţialu di Agenţia Frontex a UE spunu limbidu că România nu easti pi ruta migratorie a Balcanilor di Vest, nu s’ampuliseaşti cu ună presie migraţionistă şi nu easti unu izvuru di minări secundare migraţioniste, nica spuni ministerlu di Externe. Purtaticlu niantimilleatu şi inamicală ali Austrie va s’aducă consecinţe inevitabile tră relaţiili bilaterale, ălli si dimăndă a ambasadoarăllei ali Ripublică Austria la Bucureşti, cari fu convocată la sediul MAE.
Plan european contra migraţiillei paranom
Canda tra s’apridună asparizmili ali Austrie şi a altăntoru state atu ligătură cu numirlu mari di migranţi ilegali cari agiung tru spaţiul Uniunillei, Comisia Europeană părăstisi, stămâna aesta, un plan de acţiune tră gestionarea agiundzerloru migranţălor ilegali pi ruta a Balcanilor Occidentali. Planlu pruveadi acţiuni opearative, structurate pi ţinţi sturi: anvărtuşearea a managementului de sinuru, proceduri di azil accelearate şi andruparea a capacităţilor di aprukeari, alumta contra traficului de migranţi, anvărtuşearea a cooperarillei mutrinda readmisia şi returnările şi simfunizarea a politicilor de vize. Statili a Balcanilor Occidentali suntu griti să-şi alinieadză politica de vize cu aţea practicată di UE di itia că suntu multi cazuri de migranţi cari agiungu tru văsiliili balcaniţi iu nu au ananghi di viză de intrare şi di aclo nkisescu oaranomu cătă ascăpitata ali Europă. Guvernul României salută Planul di Acţiune tră Balcanii di Vest ali Comisie Europenă şi reitereadză tută disponibilitatea tra s’agiută activ şi consistentu ti băgarea tru lucru a misurloru şi acţiunilor pripuse de Comisia Europeană tru mplinu spirit european di solidaritate şi responsabilitate, tru colaborare streasă cu alanţă parteneri europeni.
Proiectul a bugetlui pe 2023, tru Parlament
Creastire economică de 2,8%, deficit de 4,4% ditu produsulu intern brut şi ună inflaţie di 8 procente; suntu elementele principale ale construcţiei bugetlui ti yinitorlu anu, agiumtu tru debatlu a Parlamentului după ţi fu aprobat, săptămâna aesta, de Guvern. Marea năutate easti creaşterea la 2,5% a bugetlui apărarilleii, pi fondul a naima greauăllei crize internaţionale ditu dekeniili ditu soni. Executivul pruvidzu şi tră anlu yinitoru agiutoari ahărdziti ti categoriili nai ma defavorizate, tră s’poată s’treacă pisti aestă iarnă şi pisti iarna yinitoare, cum şi păradzlli ţi suntu ananghi ti compensari păhălu la energie. Bugetul de stat şi atelu al asigurărilor sociale va s’da izini ti cristearea a pensiilor cu 12,5%, un salariu minim pe economie de 3.000 de lei, echivalentul a 600 de euro, şi darea a unui agiutor financiar a atiloru cu pensii di până la 3.000 de lei. Consiliul Fiscal, organism independent, critică executivul tră turlia tru cari andreapsi bugetul pe anul yinitor, pi motiv că ar miza pi venituri ma mări de pisti 11 miliarde de lei, tru condiţiile tru cari ava s’adună cu aproapea 2 miliarde şi giumitati ma puţăn. tutunăoară, Executivlu zburaşti ti ună scădeari a hărgiloru di 0,58% ditu PIB, ama riscă, tru realitate, s’hibă obligat la yiniitoare rectificări s’adună aproapea 7 miliarde ma multu. Tru concluzie, Consiliul Fiscal consideră prea optimist deficitul bugetar estimat de Guvern şi anticipează că acesta se va duce la 5,7% ditu PIB. Guvernul nu alocă suficienţi bani tră cofinanţarea proiectelor europene nearambursabile şi a proiectelor locale de investiţii, cari riscă să fie astfel blocate, mai avertizează Consilul fiscal. Tru replică, ministrul de finanţe, Adrian Câciu, adusi aminti că aestă instituţie andrupă că veniturli suntu supraestimate şi la adoptarea a bugetlui pi anlu tricut. Tru realitate, adăvgă Câciu, tru 2022 avem un plus la buget de 70 de miliarde de lei, iara ţinta a ministerlui pi cari-lu cumănduseaşti va s’hibă tamama eliminarea a riscului ca gradlu di colectare s’hibă ma ñicu.
Pănăyirlu de carti Gaudeamus, tru format clasic
Nai ma cunuscut pănăyiru de carti ditu România, Gaudeamus, ndreptu di postul public de radio, vini diznău, stămâna aesta, tru format fizic, după doi ani di pandemie. Easti a 29-a ediţie a pănăyirlui, atelli 200 di participanţă oferinda a publiclui ună gamă variată di produse editoriale, pi lenu turlii di suporturi, adecvate uidisiti ti tuti ilikiili şi domeniili di sinferu, muzică şi agiocuri educative. Fură programate pisti 600 de evenimente editoriale, ntră cari lansări de cărţi, dezbateri, sesiuni de autografe, spectacole şi ateliere cum şi alti proiecte. Prezidentulu di tiñie a ediţiillei di estanu easti scriitoarea Ana Blandiana, ţi spuni că, un ahtari evenimentu lă agiută a ghivăsitorloru si a autorlor s’facă cunuşmaie unu alantu.
Autoru: Stefan Stoica
Armânipsearia: Taşcu Lala
